Мерей ауылдық округінде «Намыс» жастар қоғамдық бірлестігінің ұйымдастыруымен дәстүрлі «Алтын балық – 2024» сайысы өтті.
Әуесқой балықшылар арасындағы жарысқа 18 балықшы қатысты. Үш сағатқа созылған сайыста олжаға кенелген балықшылар төмендегідей нәтиже көрсетті. Жүлделі І орынды Мирлан Киреев жеңіп алса, ІІ орын Құрман Әлмұханбетовке бұйырды. Ал ІІІ орын Исабек Киреевтің қанжығасында кетті.
Ерасыл Мақсот «Бүгін – сенің күнің», Әмір Исмағұлов «Ең жас қатысушы» аталымдарына ие болды. Жарыс жеңімпаздары мен жүлдегерлеріне сыйлықтар мен дипломдар табыс етіліп, ұйымдастырушылар барлық балықшыға шынайы алғыс білдірді.
Назерке Шайхоллақызы
Тасқала ауданы
