Казталов ауданында «Таза Қазақстан» республикалық экологиялық акциясы және «Заң мен тәртіп» қағидаты аясында санитарлық тазалық пен қоғамдық тәртіпті сақтау бағытында рейдтік іс-шара өтті.
Рейдке аудан әкімінің орынбасары Серік Ерболатұлы пен аудандық полиция бөлімінің бастығы, полиция полковнигі Тимур Сейтбайұлы қатысты.
Іс-шара барысында көшелер мен қоғамдық орындардың тазалығы назарға алынып, тұрғындарға қоршаған ортаны таза ұстаудың маңыздылығы түсіндірілді.
Сондай-ақ заң талаптарын сақтау, тұрмыстық қалдықтарды белгіленген орындарға шығару және елді мекеннің тазалығына әрбір тұрғынның жауапкершілікпен қарауы қажеттігі жөнінде түсіндіру жұмыстары жүргізілді.
«Ауыл айнасы» ақпарат
