Әдебиет тарихында өзіндік орны бар белгілі қаламгер, жерлес жазушы Хамза Есенжановтың туғанына биыл – 115 жыл. Осы орайда Теректі өңірінде бірқатар іс-шаралар басталып та кетті.
Подстепный ауылдық округіндегі жазушының ескерткіш-мүсініне гүл шоқтарын қою шарасы өтті.
Басқосу барысында артына өлмейтұғын сөз қалдырған саңлақ суреткер Хамза Ықсанұлының өмірбаяны һәм шығармашылығы хақында әңгіме өрбіді.
Одан әрі аудан әкімі әкімі Әлия Мұханбетжанова бастаған бір топ меймандар жазушы ескерткішіне тағзым етті. Айталық, академик, Әл-Фараби атындағы Қазақ Ұлттық Университетінің профессоры, биология ғылымдарының докторы, Хамза Есенжановтың немере інісі Айтқожа Биғалиев, ақпараттық технологиялар виртуалды шындық саласының маманы, Хамза Есенжановтың немересі Хакім Есенжан, тарихшы, хамзатанушы Сайлау Сүлейменов және басқа да қатысушылар гүл шоқтарын қоюға қатысты.
Хамза Есенжанов қазақ әдебиетіне үш кітаптан тұратын «Ақ Жайық» трилогиясы мен «Жүнісовтер трагедиясын» жазғаны үшін ерен еңбегі жоғары бағаланып «Еңбек қызыл Ту» ордені мен «Құрмет белгісі» медалімен марапатталған.
Самал Жамет,
Теректі ауданы
