Татарстан астанасы Қазан қаласында балалар және жасөспірімдер арасында халықаралық «Арт-Содружества» атты байқауы басталды. Байқау ән және би аталымдары бойынша өрбуде.
Халықаралық байқауда Теректі мақтаныштары үлгілі «Жұлдыз» би ансамблінің үлкен және аралас тобы қатысуда. Іріктеу кезеңінде «Жұлдыздың» үлкен тобы «Халықтық би» аталымында бақ сынаса, барлығы 65 баланың басын қосқан аралас топ «Заманауи би» аталымында өнер көрсетті.
Қуанатын әрі сүйіншілейтін бір жағдай – «Жұлдыз» үлгілі би ансамблінің аралас тобы байқаудың гала-концертіне жолдама алды.
Өнер байқауына Қазақстан және Татарстаннан бөлек, Ресей Федерациясының барлық қалаларынан өнер ұжымдары қатысып, кім мықтыны анықтауда. Ел намысын үлкен сында тек Теректі өнерпаздары қорғап жатыр.
Әділет Әлібек,
Теректі ауданы
