Биылғы 2022-2023 оқу жылында аудан бойынша 9-ыншы сыныпты 194 оқушы аяқтап отыр. Оның ішінде 20 оқушы «Үздік» аттестатқа үміткер. Қазіргі таңда 9-сынып оқушылар қазақ/орыс тілі бойынша (оқыту тілі) эссе нысанында, гуманитарлық цикл пәндерінен, математика (алгебра) бойынша жазбаша емтиханды 6-ыншы маусымда тапсырған болатын.
Сонымен қатар орыс тілінде оқытатын сыныптарда қазақ тілі мен әдебиеті, қазақ тілінде оқытатын сыныптарда орыс тілі мен әдебиеті бойынша жазбаша емтиханды 9 маусымда аяқтаса, таңдау пәндері бойынша жазбаша сынақтан 13 маусымда өтті.
Оқу жылында 11-інші сыныпты 111 оқушы аяқтап, 9 оқушы «Алтын белгі» белгісіне және 2 оқушы «Үздік» аттестатқа үміткер ретінде бақ сынамақ.
Қазіргі таңда мектеп түлектері бекітілген кестеге сәйкес емтихан тапсыруды жалғастырып жатыр.
Аида Шакит,
Шыңғырлау ауданы
zhaikpress.kz
