Әлемдегі COVID-19 вирусының таралуына байланысты көптеген ескертулерге, кафелердегі және басқа да қоғамдық орындардағы жұмыстың тыйым салынуына қарамастан Бәйтерек ауданындағы жекелеген кәсіпкерлердің заң бұзушылықтарға барып отырғандығы анықталып отыр.
Редакциямызға түскен мәліметке сүйенсек, аудан прокуратурасы және аудандық полиция бөлімінің бірлескен жұмысы нәтижесінде, Бәйтерек ауданының әкімдігі, сондай-ақ аудандық тауарлар мен көрсетілетін қызметтердің сапасы мен қауіпсіздігін бақылау басқармасының қызметкерлерінің қатысуымен төтенше жағдай режимінің бұзылуы анықталған.
Бәйтерек аудандық №2 соттың шешімімен «Евразия-Кемпинг» кафесінің қожайыны (К) "ҚР Әкімшілік құқық бұзушылық туралы" кодекстің 476-бабына сәйкес (төтенше жағдай режимінің бұзылуы) әкімшілік жауапкершілікке тартылды.
Ертай Бимұханов
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
