25 шілдеде елімізде алғаш рет ауылдық округ әкімдерінің тікелей сайлауының өтетіні мәлім. 14 шілде күні сағат 18.00-де үгіт-насихат басталды.
Сайлауға Бәйтерек аудандық "Nur Otan" партиясынан өкілетті мерзімдерінің аяқталуына байланысты үш ауылдық округі әкімдігіне үміткер бар. Олар: Январцев ауылдық округі бойынша Аблай Еспайұлы Жумагалиев, Зеленый ауылдық округі бойынша Изгалий Сапарғалиұлы Давлетов, және Чиров ауылдық округі бойынша Николай Петрович Штык.
Олардың әрқайсысында аумақтың мүмкіндігін ескере отырып, партия қолдауымен қамтамасыз етілген нақты сайлауалды бағдарламасы тұжырымдалған. Бүгінгі күні үміткерлер және сенімді өкілдері сайлауалды бағдарламаларын таныстырып, «Есіктен есікке» акциясын, ұжымдармен кездесулер, онлайн тікелей эфирлер ұйымдастырып, үгіт-насихат жұмыстарын жүргізуде.
Аружан Болатбек,
Бәйтерек ауданы
zhaikpress.kz
