Жуырда Түркістан облысы, Сайрам ауданы Ақсукент ауылындағы «Қайрат» спорт кешенінде «Спорт жұлдыздары» журналының 15 жылдығына орай ұстаздар арасында республикалық турнир өтті.
Дүбірлі додаға еліміздің 12 өңірінен Ақтөбе, БҚО, Маңғыстау, Қызылорда, Түркістан, Жамбыл, Қарағанды, ШҚО, Павлодар, Алматы облыстары мен Шымкент және Алматы қалаларынан келген ұстаздар дойбы, үстел теннисі, шағын футбол, және гір спортынан өнерлерін ортаға салды. Жаңақала ауданынан «Jastar» спорт клубының қазақ күресінен жаттықтырушысы Жасқанат Сыралиев гір спортынан 20-29 жас ерекшелігі бойынша +80 кг салмақ дәрежесінде қатысқан спортшылардың арасынан үздік шығып гір көтеруден І орынға ие болды және «Спорт жұлдары» журналы редакция алқасының шешімімен «Үздік дене шынықтыру пәні мұғалімі» төсбелгісімен марапатталды.
Үлкен додаға ешкімнің қолдауынсыз облыс атынан өз қаражатымен барып чемпион болып келген Жасқанат Ержанұлын жеңісімен құттықтаймыз!
Арайлым Мәлікқызы,
Жаңақала ауданы
zhaikpress.kz
