Шолақаңқаты ауылдық округінің әкімі Ерлан Журалиев округтің тұрғындарымен кездесіп атқарылған жұмыстар, алда тұрған міндеттер жөнінде хабардар етті. 
Округте жасалған жұмыстармен қатар келешекте елді мекендерді қоқыстан тазарту, ауылды абаттандыру, жасыл желектер отырғызу, көшелерді жарықтандыру жұмыссыздықты азайту, «Ауыл аманаты» жобасын жүзеге асыру міндеті басты жоспарда.
Ауыл болғасын округте де шешімін күтіп тұрған мәселелер бар екендігі тұрғындар тарапынан айтылды.
Мәселен, В.И. Шубин атындағы орта мектепке күрделі жөндеу жұмысы қажеттігі, интернеттің нашарлығы, электр жарығының жиі өшетіндігі, бағана сымның әбден тозғандығы, «Ауыл аманаты» жобасын жүзеге асыру бағытында әлі де түсіндірме жұмыстары қажет екендігі тұрғындар тарапынан айтылды.
Аудан әкімі Жұмагелді Батырниязов қозғалған мәселелерді зейін қоя тыңдап, нақты түрде жауаптарын берді. Есептік кездесу соңында аудан әкімі тұрғындарды жеке мәселесі бойынша қабылдады.
Мүсірбек Айташев,
Сырым ауданы
zhaikpress.kz
