Бүгін 1 қазан – Халықаралық қариялар күні мерекесіне орай Жалпақтал ауылында «Айбын» спорт клубының ұйымдастыруымен спорттың теннис, дойбы, шахмат, шығыршыққа доп лақтыру түрлерінен ауыл ардагерлері арасында жарыс өтті.
Аталмыш жарыста шахматтан ІІІ орынды Қыдыр Абдрахманов, ІІ орынды Ернияз Құспанов, І орынды Төлеген Сүйінішқалиев иеленсе, дойбыдан ІІІ орын Талғат Ғабдуллинге, ІІ орын Қанатқали Бисенғалиевке, І орын Рахмет Сәтиевке бұйырды. Теннистен ІІІ орынды Амангелді Кенжеғалиев, ІІ орынды Ернияз Құспанов, І орынды Берік Ибрашев, шығыршыққа доп лақтырудан ІІІ орынды С.Зверов, ІІ орынды Г.Хайдарова, І орынды Ш.Балахметова иеленді.
Жеңімпаздар мен жүлдегерлер Кубоктармен, дипломдармен, марапатталды.
Қыдыр Харесұлы,
Казталов ауданы
