Осындай атаумен аудан орталығында 14-наурыз Көрісу айт мерекесіне арналған мәдени шара өтті.
Мәдени-мерекелік шараға аудан әкімі Төлеген Төреғалиев қатысып, жерлестерін Көрісу айт мерекесімен құттықтаса, Ысқақ Күрпілдесов ақсақал ақ батасын беріп, елге амандық тіледі.
Қыстан аман шығуымен бір-бірін құттықтап, құшақтасып, жылы лебіздерін білдіріп жатырған қазақи нақыштағы шапандарымен, жаулықтарымен келген ата-әжелерге қарап көзің тояды.
Аудан әкімдігінің ұйымдастыруымен орталық алаңдағы киіз үйде елдің үлкендеріне ас берілсе, ойын балалары асық атып мәз-мейрам.
Шара ауданның көркемөнерпаздарының шағын мерекелік концертіне ұласты.
Айжан Амангелдина,
Сырым ауданы
zhaikpress.kz
