Бүгін Жаңақала аудандық орталықтандырылған кітапхана жүйесінің ұйымдастыруымен "Жас қалам" жас ақындар клубының кездесу кеші өтті.
Жиынға аудан әкімі Алпамыс Көшкінбаев, аудан әкімінің орынбасары Ақнұрлы Еслямғалиева, Қазақстан жазушылар одағының мүшесі, ақын Закария Сисенғали және мектеп ұстаздары мен мектептен тыс жұмыс орталығының жетекшілері қатысты. Шараны журналистер одағының мүшесі Жанайдар Болатбекұлы жүргізіп, кеш қонақтарымен таныстырды.
Аудан әкімі Алпамыс Жаңабайұлы сөз сөйлеп алдағы уақытта құрамы жаңарғалы отырған жас ақындар клубына әркез қолдау білдіретінін айтып, сәттілік тіледі.
Әрі қарай "Жас қалам" жас ақындар клубының жетекшісі Закария Жүсіпқалиұлы сөз алып естеліктерімен бөлісті.
Бейнеүзік бойынша жас ақындар клубының мүшесінде болған Жандарбек Болатбекұлы, Мөлдір Латифова кейінгі жас буынға жүрекжарды жылы лебіздерін білдірді. Жаңақала ауылдық округі аппаратының бас маманы Сыйлыхан Талапұлы өз шығармашылығынан "Арманым" атты өлеңін мәнерлеп оқыды.
Келген қонақтар кезекпен сөз алып, еркін тақырыпта тілек-ниеттерін жеткізді.
Кеш соңы ақын Закария Сисенғалидың "Жас қалам" үйірмесінің көрмесімен танысып, естелік суретке түсумен аяқталды.
Аруғаным Берікқызы,
Жаңақала ауданы
zhaikpress.kz
