Бүгін Жаңақала аудандық қорғаныс істері жөніндегі бөлімінде Жергілікті әскери басқару органдарының және «Әскерге шақырушылар күніне» орай мерекелік шара өтті.
«ҚР Қарулы Күштерінің кәсіби және естелік күндерін белгілеу туралы» ҚР Қорғаныс Министірінің 2022 жылғы 18 шілдедегі №534 бұйрығы бойынша 12 қыркүйек жергілікті әскери басқару оргындарының күні болып белгіленді.
Жиынға аудан әкімі орынбасары, еңбек ардегері, тәжік-ауған соғысы ардагерлері және әскерге барып келген сарбаз қатысты.
Алдымен аудан әкімінің орынбасары Руслан Қонысбайұлы сөз алып, ұжымда төл мерекелерімен құттықтады. Әрі қарай мерекеге орай ұжымдағы ерен еңбектері үшін әскерилерді аудан әкімінің алғысхатымен марапаттады.
Аудандық қорғаныс істер жөніндегі басшы Азамат Хамитұлы әріптестерін мерекемен құттықтап алғысын білдірді. Аудандық мәдениет үйінің әншілері кешті әнмен әсемдеп, мерекелік көңіл-күй сыйлады.
Аруғаным Қазиева
Жаңақала ауданы
