Жылқы, бәйге десе делебесі қозбайтын қазақ кемде-кем.
9 мамыр күні Жеңіс мерекесіне орай Жаңақала ауылында аудан әкімдігінің қолдауымен, аудандық мәдениет, тілдерді дамыту, дене шынықтыру және спорт бөлімінің ұйымдастыруымен ат бәйгесі өтпек.
Айта кетсек, 15 шақырымға аламан бәйге, 6 шақырымға құнан жарысы ұйымдастырылады.
Қамбар ата түлігінің жарауын келтіріп, бағын бәйгеде сынап көруге, дүбірлі доданы тамашалауға асығыңыздар, ағайын!
Бәйгеге Жаңақала ауданының шабандоздары ғана қатыса алады.
Алтынбек ЕРМЕКҚАЛИЕВ
Жаңақала ауданы
zhaikpress.kz
