Жуырда Жаңақала аудандық білім беру бөлімі мен аудандық мектептен тыс жұмыс орталығының жылдық жоспарына сәйкес "Қамыс-Самар-Жаңақала: өткені мен бүгіні" тақырыбындағы аудандық педагогтер арасындағы ғылыми-тәжірибелік конференция қашықтықтан ұйымдастырылды.
Өткен оқу жылында алғаш рет мектеп оқушылары арасында өткен тәжірибелік конференция биыл да өз жалғасын тауып, "Қамыс-Самар-Жаңақала: өткені мен бүгіні" атты үш томдық жинақтың құрастырушысы Қазақстан Журналистер одағының мүшесі З.Сисенғалидың қатысуымен педагогтердің баяндамалар жинағы таныстырылды. Құрастырушы ретінде сөз алған ақын З.Жүсіпқалиұлы:
- Кітапты шығару бар да, насихаттау бар. Мектептен тыс жұмыс орталығы өткен жылы оқушылар арасында осы кітапты таныстырып, тұсау кесу рәсімін өткізген болатын. Сол істің жалғасы ретінде "Қамыс-Самар-Жаңақала: өткені мен бүгіні" тақырыбында аудандық педагогтер арасындағы ғылыми-тәжірибелік конференцияның баяндамалар жинағы деген жинақ шығарған. Бұл өте үлкен әрі құнды еңбек деп айтар едім. Аталмыш мекеменің басшысы Ғазиза Бекжанқызына, осы істі ұйымдастырып жүрген Салтанат Жаңғалиқызына үлкен алғысымды білдіремін, - деді жинақ туралы ойын ортаға салып.
Алдағы уақытта ұстаздар мен оқушылардың қажетіне жарайтын жинақтың ғұмыры ұзақ болуын біз де тіледік.
Жанайдар Болатбекұлы,
Жаңақала ауданы
zhaikpress.kz
