Жаңақала жері жаңсаң жандар мекені десек, сол жайсаңдардың жарқын болашағы өсіп келе жатқанының куәсі – бүгінгі білімді жастарымыз.
27-28 қазан күндері Астана қаласында өткен робототехника және бағдарлау бойынша R:ED FEST республикалық фестивалінде ерекше жетістіктерге жеткен Жаңақала жалпы орта білім беретін мектебінің дарынды оқушылары Әлижан Сатқали, Нұржігіт Қуаныш, Бейбарыс Төлеген және республикалық «Махамбет оқуларының» ІІ орын жүлдегері Дастан Қыден аудан әкімі Алпамыс Көшкінбаевтың қабылдауында болды.
Салтанатты қабылдауда аудан әкімі жас жеткіншектерді толағай табыстарымен құттықтап, оқушыларға, ұстаздарына және ата-аналарына алғысхаттар мен естелік сыйлықтар табыс етті.
Рая Жұмағалиева
Жаңақала ауданы
