17-22 қаңтар күндері Ақсай қаласында тоғызқұмалақтан Батыс Қазақстан облысының жасөспірімдер мен жастар арасындағы жекелей чемпионаты өтті.
Оған аудандық балалар мен жасөспірімдер спорт мектебінің оқушылары қатысып, қанжығаларын майлап қайтты. Орал қаласы мен Бөрлі, Сырым, Жаңақала аудандарының спортшылары сынға түскен сайыста (классика) түрі бойынша: 15 жас ұлдар арасынан Нұрәлі Арматұлы 2-орынға, 17 жас ұлдар арасынан Нұрберген Түсіпқали 2-орынға, 19 жас ұлдар арасынан Бекнұр Тұрсынбай 3-орынға; 21 жас ұлдар арасынан Әсет Садих 2-орынға, ал 21 жас қыздар арасынан Аяжан Мағзумова 1-орынға, Саяжан Біржанқызы 2-орынға табан тіресе, ойынның (рапид) түрі бойынша 15 жас ұлдар арасынан Бейбарыс Жолдасқали 2-орынды, Нұрәлі Арматұлы 3-орынды, 17 жас ұлдар арасынан Нұрберген Түсіпқали 2-орынды, 19 жас ұлдар арасынан Бекнұр Тұрсынбай 2-орынды, 19 жас қыздар арасынан Зухра Ғазез 3-орынды, 21 жас қыздар арасынан Аяжан Магзумова 1-орынды еншіледі. (Блиц) түрінен 15 жас ұлдар арасынан Бейбарыс Жолдасқали 1-орынға, Нұрәлі Арматұлы 2-орынға, 17 жас ұлдар расынан Нұрберген Түсіпқали 3-орынға, 19 жас ұлдар арасынан Бекнұр Тұрсынбай 2-орынға, Аманияр Ерболат 3-орынға, 19 жас қыздар арасынан Зухра Ғазез 3-орынға; 21 жас қыздар арасынан Аяжан Магзумова 1-орынға және Диана Әлібек 3-орынға лайық деп танылды. Жарыс қорытындысы бойынша 9-19 ақпан күндері Ақтөбе қаласында өтетін ересектер арасындағы ел біріншілігіне іріктеуде Нұрәлі Арматұлы аудан көлемінде алғаш рет ересектер арасындағы ел біріншілігіне жолдамаға ие болды. Жеңімпаздың жаттықтырушысы біліктілігі жоғары деңгейдегі жоғары санатты жаттықтырушы Қайрат Маратұлы.
Айзада Ақбасова,
Жаңақала ауданы
