Жәнібек аудандық полиция бөлімінің бастығы лауазымына Мейрамхан Бапахов тағайындалды.
Мейрамхан Темірханұлы 1981 жылы Жәнібек ауданының Ұзынкөл ауылы, Еңбекші елді мекенінде дүниеге келген.
2014 жылы Батыс Қазақстан инженерлік-гуманитарлық университетін «заңгер» мамандығы бойынша тәмамдаған. Ішкі істер органдарында 2005 жылдан бастап қызмет етеді.
Әр жылдары Жәнібек аудандық полиция взводының қызметкері, Орал қалалық ІІБ дәрігерлік-сауықтыру пунктінің полиция қызметкері, Жәнібек аудандық ішкі істер бөлімінің қоғамдық қауіпсіздік бойынша учаскелік полиция инспекторының көмекшісі, Жәнібек аудандық криминалдық полиция тобының анықтаушысы, Жәнібек аудандық ішкі істер басқармасы криминалдық полиция тобының аға анықтаушысы, Жәнібек аудандық полиция бөлімінің кезекші бөлімшесінің аға инспекторы, Жәнібек аудандық полиция бөлімі әкімшілік полиция бөлімінің бастығы қызметтерін атқарған.
28 қарашаға дейін Жәнібек ауданы полиция бөлімі бастығының орынбасары лауазымын атқарып келді.
Отбасылы, үш қыз, бір ұл тәрбиелеп отыр.
Гүлзара Мәди
Жәнібек ауданы
