30.05.2023, 18:12
Оқылды: 14

Жәнібек ауданында бос жұмыс орындары жәрмеңкесі өтті

Бүгін Жәнібек аудандық мәдениет үйінде аудан әкімдігі, «AMANAT» партиясы, халықты жұмыспен қамту орталығының ұйымдастыруымен бос жұмыс орындары жәрмеңкесі өтті.

1656E6A7-FA25-42DA-BBA8-532CDEECAB24

Жәрмеңкеге екі қолға бір күрек тапқалы келген жандарға аудан әкімі Тимур Шиниязов сәттілік тіледі. Қысқа да нұсқа сөйлеген ол:

– Аудан тұрғындары жұмыссыз жүрмеуі керек. Біз оларға мүмкіндік беруге дайынбыз. Бүгінгі жәрмеңкенің мақсаты да соны көздейді, - деді.

Аталмыш шарада аудандық орталықтандырылған кітапханалар жүйесі, мәдени демалыс орталығы, білім беру бөлімі, аурухана, мектептен тыс жұмыстар орталығы, санитарлық-эпидемиологиялық бақылау басқармасы, психологиялық-педагогикалық түзеу кабинеті, сонымен қатар «Символ» ЖШС, «Қызылорда жолдары» ЖШС мен «Кит» ЖК, «Batys alga» ЖК өздерінің бос жұмыс орындарын ұсынды.

Бас-аяғы 45 жұмыссыз азамат қатысып, соның ішінде 12 адам тұрақты жұмыспен қамтылса, 3 адам әлеуметтік жұмыс орындарына жіберіліп, 1 адам жастар тәжірибесімен іске кірісті.

Әлібек Қаржау
Жәнібек ауданы

Узнайте первым о важных новостях Западного Казахстана на нашей странице
в Instagram и нашем Telegram - канале