Жәнібек ауданы Борсы ауылдық округіндегі №151 сайлау учаскесінде ұлттық дәстүр мен ұрпақ сабақтастығын дәріптеп жүрген «Ақ кимешек» әжелер ансамблі мен «Ақ босаға» келіндер отауының мүшелері бас қосып, Құрылтай сайлауында өз таңдауларын жасады.
Ақ жаулықты әжелердің байыпты болмысы мен ақ босағаның берекесін кіргізген келіндердің жарасымды бірлігі – сайлау учаскесіне ерекше көрік берді. Бірі көргені мен түйгенін кейінгі буынға аманат етіп жүрген ақылдың арқауы болса, бірі шаңырақтың шырағын жағып, салт-дәстүрді жалғаған ұрпақтың жалғасы.
Екі буын өкілінің бір жерде тоғысуы елдік құндылықтың сабақтастығын айқын көрсетті.
Бану Самат,
Жәнібек ауданы
