Жәнібек аудандық ішкі саясат бөлімінде аудан әкімінің орынбасары Жақсылық Абдоловтың, аудандық ішкі саясат бөлімінің басшысы Ләззат Садированың және аудан жастарының қатысуымен жиналыс өтті. Жиында «Ақбастау» қоғамдық бірлестігінің төрағасы, құрылтайшылар құрамы жаңадан сайланды.
«Ақбастау» қоғамдық бірлестігінің төрағасы болып Кәрімов Нұрлыхан Маралбекұлы тағайындалды.
Кәрімов Нұрлыхан Маралбекұлы 1991 жылы 27 қарашада БҚО Жәнібек ауданы Ақоба ауылында дүниеге келген. 2009 жылы Х.Халиуллин атында орта мектебінен түлеп, 2010-2012 жылдар аралығында Орал гуманитарлық -техникалык колледжін музыка пәнінің мұғалімі мамандығы бойынша оқып шығады. 2013-2019 жылдары аралығында Х.Халиуллин мектебінде музыка пәні мұғалімі және тәлімгер қызметін атқарды. 2021 жылдың қаңтар айынан бастап мамыр айына дейін Талов ауылдық округінде музыкалық жетекші, мамыр айынан 2022 жылдың қаңтар айына дейін Ұзынкөл ауылдық мәдениет үйі директоры болды. Бүгінгі таңда аудандық мәдениет үйінде суретші болып жұмыс жасайды.
Әлібек Қаржау,
Жәнібек ауданы
zhaikpress.kz
