Бүгін Жәнібекте аудан әкімінің орынбасары Мирболат Бисенов Қазақстан Республикасы Президентінің 2024 жылғы 15 тамыз №623 Жарлығына сәйкес жәнібектік көпбалалы ана Айнагүл Бекетоваға «Күміс алқа» алқасы мен куәлігін табыстады.
Мирболат Бауыржанұлы ел демографиясына үлес қосып отырған көпбалалы ананың деніне саулық, отбасына амандық тіледі.
– Шаңырақтың шаттығы мен берекесін келтіріп, әр үйдің шамшырағы болып отырған аяулы аналардың қоғамдағы рөлі қашан да бөлек. Сізге ең бірінші сарқылмас саулық тілеймін. Ұрпағыңыздың қызығын көріңіз,- деді ол.
Өз кезегінде бес ұл, бір қыз тәрбиелеп отырған Айнагүл Қазбекқызы Мемлекет басшысына, аудан әкіміне алғысын білдірді.
Бану Берікқали
Жәнібек ауданы
