Орал қаласында «WrestMma League» жасөспірімдер арасындағы турнир өтті. Жарысқа барлық ауданнан жалпы саны 227 спортшы, яғни 15 команда қатысты.
Соның ішінде: Barys, Арлан (Казталов), Қамысты (Жәнібек), Жымпиты ММА, Тасқала, Abyroi, Бейбарыс (Ақсай), Batyr pro team, Erkin kush, Федерация ММА, Академия ММА, Намыс, Араши ММА, Жекпе-жек, Emir Top Team. Аталмыш турнирде Жәнібек аудандық балалар-жасөспірімдер спорт мектебі жекпе-жек бөлімінің тәрбиеленушілері бақтарын сынап жүлделі орындарға ие болды.
Жарыс нәтижесі бойынша Жанарыс Шамұрат, Бейбарыс Сағнат, Самир Сағнат жеңіс тұғырынан көрінсе, Ералы Жеңісұлы, Абдунур Ринатұлы жүлделі екінші орынды иеленді, Нұрислам Ринатұлы турнирдың қола жүлдегері атанды.
29 келі салмақ дәрежесінде жеңіске жеткен Самир Сағнат турнирдің арнайы белдігіне ие болды.
Спортшыларды жарысқа дайындаған бапкері: Радик Досанов.
Арай Сейфолла
Жәнібек ауданы
