Жаңақала аудандық жастармен жұмыс жөніндегі ресурстық орталықтың ұйымдастыруымен Ұстаздар мерекесіне орай жас ұстаздар арасында «Білімділер додасы» зияткерлік сайысы өтті.
Жастармен жұмыс жөніндегі ресурстық орталығының басшысы Дәурен Мерешов құттықтау сөз алып, командаларға сәттілік тіледі. Сайысқа жастармен жұмыс жөніндегі ресурстық орталығының басшысы Дәурен Мерешов, жастарды жұмысқа орналастыру жөніндегі маман Айзада Әбілқасымова, психолог маманы Индира Әмірғалиева төрелік етіп, әділ бағаларын берді.
Додада төрт мектеп ұжымының командасы бақтарын сынап, алғырлықтары мен шапшаңдықтарын, білімдерін ортаға салды. Жарыста биология, тарих, спорт және логикалық сұрақтардан құралған 4 кезеңнің сұрақтарына жас мамандар өте жақсы деңгейде жауап берді.
Тартысты сайыс қорытындысы бойынша №3 жалпы орта білім беретін мектебі – І орын, Жаңақала мектеп-гимназиясы – ІІ орын, Жаңақала колледжі – ІІІ орынды иеленсе, Жаңақала жалпы орта білім беретін мектебінің ұстаздары белсенділік таныта білді.
Іс-шара соңы жүлдегер командалар марапатталып, естелік суретке түсумен аяқталды.
Арайлым Айденова,
Жаңақала ауданы
zhaikpress.kz
