Бүгінгі таңда елімізде төтенше жағдайдың енгізілуіне байланысты дәріханаларда бетперде (маска) тапшылығы болып жатқаны белгілі.
Осы орайда аудан әкімі Жанат Асантаев 16 наурыз күні жеке кәсіпкерлер - тігін ателье иелерімен кездесіп, Қаратөбе аудандық тауарлар мен көрсетілетін қызметтердің сапасы мен қауіпсіздігін бақылау басқармасының келісімімен бетперде тігуді ұсынған болатын.
Қазіргі таңда «Диана», «Гүлсезім», «А.А.» тігін ательелері масканы көп мөлшерде тігіп, аудан тұрғындарына сатуды бастап кетті.
«А.А.» тігін ательесінің негізін қалаушы Ақбөбек Асылбекқызы өз жұмысшыларымен бірігіп, Еріктілер жылына орай тегін түрде халыққа медициналық бетперде тігіп берді.
Қаратөбе аудандық жастармен жұмыс жөніндегі ресурстық орталық мамандары және аудан еріктілері аудан тұрғындарына тегін таратып, түсіндірме жұмыстарын жүргізді.
Маралбек Амантаев
Қаратөбе ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
