Жуырда Орал қаласында жас командалардан құралған жайдарманшылардың жартылай финалдық ойыны өтті. Ауданымыздың намысын қорғауға барған «Жұдырық» командасы жарысқа шықты. Бұл команда ауданымыздағы Мектептен тыс жұмыс орталығы жанындағы «Драма» үйірмесінің шәкірттерінен құралған оқушылар командасы.
«Өнер сайысына он бес команда қатысып, олардың арасынан тек бес команда финалға жолдама алды. Жарыс өте тартысты өтті. Қатысушылар белсенді дайындалып келген, әрі ойын барысында олардың әзілдерінің астарынан шынайы өмір шындығы аңғарылып отырды. Қағытпа қалжыңдармен көрермендерді күлдіріп, тартымды әңгімелерімен терең ойларға батырды. Енді қараша айында өтетін финалдық ойынға дайындаламыз», - дейді үйірме жеткешісі Қамбар Рахметов.
Ендеше, алдағы жарыста Жұдырық командасына сәттілік тілейміз. Жарайсың, Жұдырық!
Гүлмира Мақанова,
Тасқала ауданы,
zhaikpress.kz
