Жуырда Орал қаласында жаяу туризмнен «Қарлығаш - 2023» және велотуризмнен «Күміс шабақ - 2023» жарысы өтті. Жарысқа Жәнібек аудандық балалар-жасөспірімдер туризмі және экология орталығының оқушылары да қатысып, бақтарын сынады.
«Жаяу туризм» жарысының қорытындысы бойынша аудан командасы «Өткелдер қашықтығы» мен «Техникалық қашықтықтан» І орыннан, «Кросс жорығынан» ІІ орыннан, «Үздік тағамнан» І орыннан, «Үздік көрсетілімнен» ІІ орыннан, «Тұрмыс және дағдыдан» ІІ орыннан көрінді.
Сонымен қатар «Жеке қашықтық» бойынша жасөспірімдер тобы ұлдар арасынан Батырхан Мұратов ІІ орынды, Азат Қартес ІІІ орынды, қыздар арасында Жангүлім Жендетқалиева ІІ орынды иемденді. Ал балалар тобы ұлдар арасынан Ақмадияр Мәди ІІ орын алды. Жалпыкомандалық есепте Жәнібек ауданы бас жүлдеге ие болды.
Сондай-ақ «Велотуризм» жарысының қорытындысы бойынша «Триал қашықтығынан» жасөспірімдер тобы ұлдар арасынан Батырхан Мұратов ІІ орынға, қыздар арасынан Жангүлім Жендетқалиева ІІ орынға ие болды.
«Мәнерлеп жүруде» жасөспірімдер тобынан Батырхан Мұратов І орынды, Нелли Есетова ІІІ орынды, балалар тобынан Әлібек Серік ІІ орынды еншіледі.
Жалпыкомандалық есепте аудан командасы ІІ орынды қанжығаға байлады.
«Велокросс» қашықтығынан аудан командасы көш басынан көрінсе, жалпыкомандалық есепте ІІ орынға ие блды.
Лаура Халина,
Жәнібек ауданы
zhaikpress.kz
