Оралда халықаралық Туризм күніне орай білім беру қызметкерлері арасында республикалық «Европа – Азия» туристік фестивалі өтті.
Фестивальге аудандық білім беру бөлімінің балалар-жасөспірімдер туризмі және экология орталығының командасы қатысып, жүлделі орындарға ие болды.
Атап айтсақ, «Жеке» қашықтығы (әйелдер) бойынша Софья Сағыналиева І орын, осы қашықтықта (ерлер) Ерлан Нығметов ІІІ орынға ие болды. Ал «Байлам» қашықтығы (ерлер жұбы А тобы) бойынша Ерлан Нығметов пен Исатай Нұрсұлтан ІІ орынды иеленсе, «Өткелдер» қашықтығынан «А» тобы бойынша команда топты жарып І орыннан көрінді.
Сондай-ақ аталмыш жарыстың «Техникалық» қашықтығы бойынша аудан командасы жалпы командалық есепте ІІ орынға табан тіреді.
Жарыстың «Туристік тұрмыс және дағды» байқауында жүлделі ІІ және «Менің кіші Отаным» бейнеролик байқауында ІІІ орынға ие болды.
Қатысушыларға Қазақстан Республикасының Оқу-ағарту министрлігі РҚББОӘ орталығының сертификаты табыс етілді.
Лаура Халина,
Жәнібек ауданы
zhaikpress.kz
