31 мамыр - Қазақстан тарихының ең қайғылы беттердің бірі, Қазақстан үшін әрі қасіретті әрі қасиетті - саяси қуғын-сүргін құрбандарын еске алу күні. Осыған орай бүгін Шыңғырлау ауданында қуғын-сүргін құрбандарын еске алуға арналған ескерткіш алаңында еске алу шарасы өтті.
Митингке аудан әкімі Ә.Мұханбетжанова, мекеме, бөлім қызметкерлері, саяси қуғын-сүргінге ұшыраған жерлестердің ұрпақтары, БАҚ өкілдері қатысты. Шара барысында аудандық мұрағат басшысы Н.Хрипченко азалы күннің тарихына тоқталып, сол бір тарих беттерінде қалған сұрапыл кезеңнің құрбандары туралы ақпаратпен бөлісті. Ал саяси-құғын сүргінге ұшыраған құрбанның ұрпағы Ғ.Канафин болашағымыз жарқын, еліміз тыныш болсын деген тілегін жолдады. Келесі кезекте аудандық мешіттің бас имамы Еламан Баядил құрбан болған бабаларымыздың рухтарына Құран бағыштады.
Саяси қуғын-сүргін құрбандарын бір минуттық үнсіздікпен еске алып, ескерткіштеріне гүл шоқтары қойылды.
Жансая Аманжолқызы,
Шыңғырлау ауданы
zhaikpress.kz
