Сырым еліндегі Наурыз тойында бұқара тек той тойлап, ұлттық құндылықтардың куәгері болып қайтқан жоқ. Сонымен қатар Сырым аудандық жастармен жұмыс жөніндегі ресурстық орталығының басшысы Сәкен Муса Наурызнама онкүндігі аясында ұйымдастырылған "Ұлттық киім – ұлттық болмыс" байқауының жеңімпаздарын марапаттады.
Онкүндік аясында мекеме басшылары және қызметкерлері арасында ұлттық киім кию байқауының нәтижесінде ІІІ орынға А.Шайхиев атындағы аудандық балалар-жасөспірімдер спорт мектебінің ұжымы, ІІ орынға Сырым аудандық қорғаныс істері бөлімі, І орынға аудандық аурухана ұжымы лайық деп танылды.
Жеңімпаздар мен жүлдегерлерге диплом мен естелік сыйлықтар табысталды.
Айжан Амангелдина,
Сырым ауданы
