Мамыр айында қазақ күресінен ересектер арасында ел кубогының жеңімпазы атанған жерлесіміз Айбатыр Миразатты жерлестері қошеметпен күтіп алды.
Жауырыны жерге тимей, қашанда жеңіс тұғырынан түспеген Айбатыр мен спортқа баулыған әкесі Айбек Миразатұлына аудандық ішкі саясат бөлімінің басшысы Азат Мұқанов, аудандық мәдениет, тілдерді дамыту, дене шынықтыру және спорт бөлімінің бас маманы Ақерке Сансызбаева, «Jastar» спорт клубының директоры Жанболат Гумаров пен жастармен жұмыс жөніндегі ресурстық орталықтың басшысы Дәурен Мерешов құттықтауларын жолдап, жүрекжарды лебіздерін арнады.
Айта өтейік, сонымен қатар Айбатыр Қазақстан чемпионатының күміс жүлдегері.
Айзада Ақбасова
Жаңақала ауданы
