Қараша айының басында Қарағанды қаласында юнифайт-волейбол ойынынан турнир өтті. Оған өңірімізден арнаулы әлеуметтік қызмет көрсету орталықтарының қызмет алушылары мен қызметкерлерінен құралған команда қатысып, І орын иеленді. Бүгін жеңімпаз жерлестерді батысқазақстандықтар теміржол вокзалында күтіп алды.
– 1-2 қараша аралығында Қарағандыда «Special Olympics Kazakhstan» қоғамдық бірлестігінің ұйымдастыруымен волейболдан республикалық турнир өтті. Оған біздің өңірдің құрама командасы қатысып, жеңіске жетті. Команда Батыс Қазақстан облысының арнаулы қызмет көрсету орталықтары қызметкерлері мен қызмет алушылардан құралды. Құрамында үш қызметкер мен бес қызмет алушы болды. Болашақта да осындай додаларда бақ сынап, жеңіске жетуге жұмыстанамыз. Спортшыларымыздан, қызмет алушыларымыздан үміт күтеміз. Жарысқа қолдау көрсеткен облыстық жұмыспен қамтуды үйлестіру және әлеуметтік бағдарламалар басқармасы мен спорт басқармасына алғыс білдіреміз, - дейді БҚО «Special Olympics» қоғамдық бірлестігінің директоры Дастан Мырзағалиев.
Айта кетейік, республикалық турнирге жалпы еліміз бойынша тоғыз команда қатысқан.
zhaikpress.kz
