Бұл туралы БҚО спорт және дене шынықтыру басқармасының баспасөз қызметі хабарлады.
Батысқазақстандық спортшы Нұрлан Исатаев дзюдодан кадеттер арасында әлем чемпионы атанды.
Нұрлан Хорватияның Загреб қаласында өтіп жатқан кадеттер арасындағы әлем чемпионатының алғашқы күні 55 келі салмақта бақ сынады.
Нұрлан алғашқы белдесуінде Түркіменстан балуанын ваза аримен жеңіп, екінші белдесуінде Армения балуанынан да ваза аримен басым түсті.
Ширек финалда АҚШ балуанын иппонмен қапы қалдырды.
Жартылай финалда тағы бір Қазақстан балуаны Оралбек Байзақты жеңіп финалға шыққан.
Финалда Гүржі балуанын жеңіп әлем чемпионы атанды. Жаттықтырушысы - Алтынбек Сұпығалиев.
zhaikpress.kz
