Жұбан Молдағалиев атындағы Батыс Қазақстан облыстық әмбебап ғылыми кітапханасында алғаш рет ресми түрде атап өтілгелі тұрған Кітапханашылар күніне және терең тарихы бар руханият ордасының құрылғанына 150 жыл толуына орай «Қазақстанның көрнекті кітапханашылары» анықтамалығының тұсаукесер рәсімі өтті.
Басылымға Батыс Қазақстан облысынан 1991-2021 жылдар аралығында ҚР кітапхана ісінің қалыптасуы мен дамуы жылдарында елеулі үлес қосқан 19 кәсіби маман енген.
Салтанатты шарада БҚО әкімінің орынбасары Бақытжан Нарымбетов, «Кітапхана ісінің ардагері» төсбелгісінің иегері Гүлжан Жұмақаева, «ҚР Мәдениет саласының үздігі», «Кітапхана ісінің ардагері», «Кітапхана ісінің шебері» төсбелгілерінің иегері Роза Исатаева және «ҚР Мәдениет қайраткері», «Қазақстанның Құрметті кітапханашысы», «Кітапхана ісінің шебері» төсбелгілерінің иегері Звайда Өтешова аталмыш кітаптың тұсауын кесіп, құттықтау сөз сөйледі.
Сондай-ақ, шара барысында «Қазақстанның көрнекті кітапханашылары» анықтамалығына енген кітапханашы мамандарға гүл шоқтары мен жаңа кітап табыс етілді.
БҚО Өңірлік коммуникациялар қызметі
Сурет, @madeniet_oral парақшасынан
