Батыс Қазақстан облысы Казталов ауданында Қараөзен мектеп-лицейінің интернаты отқа оранды,- деп жазады kaz.inform.kz.
Фото: kaz.inform.kz
БҚО ТЖ департаментінің баспасөз қызметінен мәлім еткеніндей, Қараөзен ауылында ауданы 388 шаршы метр бір қабатты интернат ғимаратының өртеніп жатқаны жөнінде хабар 9 шілде күні сағат 14.30-да түскен.
- Өрт сөндірушілер тез арада жетіп, «тілсіз жауды» толықтай ауыздықтады. Өртті сөндіруге 13 адам, 2 техника тартылды. Мектеп-лицей интернаты күрделі жөндеуде болған. Зардап шеккендер жоқ. Қазір оқиғаның себебі анықталу үстінде, - деп хабарлады ведомстводан.
Тұрғындардың сөзіне қарағанда, интернат ғимаратын «Жайық Сити» ЖШС күрделі жөндеуден өткізіп жатқан.
