Ержан Максим әлемдік конкурстан Гран-при жеңіп алды. Бұл туралы жас әнші өзінің Instagram парақшасында хабарлады.
«Ал Қазақ елі, жеңіс құтты болсын! Ең әуелі Аллаға шүкіршілік айтамын және бар дұға тілектерін жаудырып жатқан еліме, ҚазҰУ ұжымына және ректор Мұсаходжаева Айман Қожабековнаға ерекше алғысымды білдіремін. Сонымен қатар осы Македония елінің құрметті азаматы, WAF президенті Мариан Катароски мырзаға алғысымды айтамын.
«WAF AWARDS» Премиясына және «WAF CONTEST» конкурсына қатысып, Гран-при жеңіп алдым.
Осы «WAF AWARDS» Премиясы марапатына әлемнің түкпір-түкпірінен 12 бала таңдалыпты, соның ішінде менде шақырту алдым және 16 елден 32 конкурсқа қатысушы балалар келіпті, мен басында конкурсқа қатысамын деп ойлаған жоқпын, бірақ Мариян Катароски мырза: «конкурсқа қатысып, бағыңды сынап көрсейші» деп қолқа салды, мен көп ойланбай жақсы деп келісімімді бердім. Мінеки нәтижесін көріп отырсыздар, - деп жазады парақшасында Ержан.
zhaikpress.kz
