Fitch Ratings халықаралық рейтинг агенттігі Ресейдің рейтингін қайтарып алды, - деп хабарлайды Tengrinews.kz тілшісі.
Компанияның баспасөз орталығының мәліметінше, бұл шешім Еуропалық Одақтың Ресейге қарсы санкцияларына сәйкес қабылданған.
"Fitch Ratings Ресейдің рейтингтерін қайтарып алды. Шешім Ресейге салынған санкцияларға байланысты қабылданды", - делінген компанияның сайтында.
2022 жылғы наурызда Fitch Ratings Қазақстан Даму Банкінің рейтингтерін "Тұрақты" болжамымен "BBB" деңгейінде растады. Агенттіктің сарапшылары Қазақстанның тұрақты рейтингі елдің күшті фискалдық жағдайын, сыртқы сауда балансының беріктігін және мемлекеттік қарыздың төмендігін көрсететінін атап өтті.
