Ақорданың баспасөз қызметі хабарлағандай, елордадағы Тәуелсіздік сарайында елімізге ресми сапармен келген Грузия Премьер-министрі Ираклий Кобахидзені салтанатты қарсы алу рәсімі өтті.
Фото: aqorda_resmi
Іс-шара барысында Мемлекет басшысы Қасым-Жомарт Тоқаев пен Ираклий Кобахидзе бір-біріне екі елдің ресми делегация мүшелерін таныстырды. Құрмет қарауылы ротасының бастығы мәртебелі қонақтарға рапорт бергеннен кейін Қазақстан мен Грузияның мемлекеттік әнұрандары шырқалды.
Салтанатты рәсімнен соң тараптар екіжақты серіктестікті талқылау үшін жоғары деңгейдегі келіссөздерге көшті.
