Биыл қазақстандықтар 1 мамыр - Қазақстан халықтарының бірлігі күні, 7 мамыр - Отан қорғаушылар күні және 9 мамыр - Жеңіс күнін атап өтеді.
««Азаматтарға арналған үкімет» мемлекеттік корпорациясы осы мерекелерге байланысты Қазақстанның ХҚКО-лары мен МХҚО-лары 1, 8 және 9 мамыр күндері жұмыс істемейтінін хабарлайды», - деп жазады корпорация сайтында.
Айта кетейік, сенбі 6 мамыр күні кезекші ХҚКО-лар мен МХҚО-лар жұмыс істейді.
Бұл күні азаматтарға сағат 13.00-ге дейін қызмет көрсетеді.
Мерекелерден кейін 10 мамырда барлық Халыққа қызмет көрсету орталығы әдеттегі кесте бойынша жұмысын жалғастырады.
Естеріңізге сала кетейік, Халыққа қызмет көрсету орталықтары азаматтарды жұмыс күндері сағат 9:00-ден бастап 18:00-ге дейін, кезекші ХҚКО-лар -жұмыс күндері сағат 9:00-ден 20:00-ге дейін, сенбі күні сағат 9:00-ден 13:00-ге дейін қабылдайды.
