Су тасқынынан зардап шеккендердің несие төлемдері 2024 жылдың 1 сәуір мен 30 маусым аралығында 3 ай мерзімге кейінге қалдырылады. Су тасқыны салдарының кесірінен туындаған төлемдерді кешіктіргені үшін айыппұлдар мен өсімпұлдар есептелмейді.
- Күні бүгінге, қаржы нарығын реттеу және дамыту агенттігімен 7 мыңнан астам зардап шеккен адамның қарызды төлеу мерзімін кейінге шегеру бойынша шаралар қабылданып жатыр. Оның 4 мыңға жуығы саяжай тұрғыны, - деді өңірлік коммуникациялар алаңында өткен брифингте облыс әкімінің орынбасары Тілепберген Каюпов.
Аталған шығындарды өтеу шаралары тұрғындардың тұрғын үй жағдайын жақсарту емес, төтенше жағдай салдарын жою болып табылады.
Түгелбай Бисен,
zhaikpress.kz
