БҚО Төтенше жағдайлар басқармасының хабарлауынша бүгін 11 сағат 55 минутта Орал қаласында Н.Назарбаев даңғылы, 215 мекенжайындағы ғимараттың шатыры жануда. Өрт 12 сағат 29 минутта оқшауланып, 12 сағат 40 минутта толықтай жойылды.
Рашид Блялов, БҚО Төтенше жағдайлар басқармасы бастығының м.а. :
- 5 тамыз күні сағат 11.55-те жедел кезекші пультіне Орал қаласы, Н.Назарбаев, 215 мекенжайы бойынша Орал механикалық зауытында өрт шыққаны туралы хабар түсті. Кезекші қызметкерлер келген уақытта зауыттағы екінші цехтың шатыры жанғаны анықталды. Қазіргі сәтте өрт оқшауланды. Цехтың көлемі 6000 ш.м., шатыр жамылғысының көлемі 240 шаршы метр. Өртте зардап шеккендер, қаза болғандар жоқ. Ғимарат ішінде адам болған жоқ. Өрттің шығу себебі - ғимараттың төбесінде жүргізіліп жатқан жөндеу жұмыстары.
zhaikpress.kz
