Бүгін Жастар мәдениет үйінде облыстық жастармен жұмыс жөніндегі ресурстық орталығының ұйымдастыруымен жоғары оқу орындарының 1 курс студент жастары арасындағы дәстүрлі «JAŃA TOLQYN – 2022» шығармашылық фестивалі өтті.
Бәсекелі додаға қаламыздағы төрт ірі жоғары оқу орындарының студенттері қатысып, жоғары дәрежеде өнер көрсетті. Әр оқу орны тоғыз аталым бойынша концерттік бағдарлама дайындап, фестивальдің көркін қыздырды.
Әділқазылардың бағалауы бойынша М. Өтемісов атындағы Батыс Қазақстан университеті «Эстрадалық ән», «Үздік дәстүрлі ән», «Аспапта ойнау шеберлігі», «Үздік көркем сөз оқу шебері», «Үздік фан-клуб» аталымдарын, Жәңгір хан атындағы Батыс Қазақстан аграрлық-техникалық университеті «Хореография», «JAŃA TOLQYN KUBOGI – 2022» жайдарман ойыны аталымын, Батыс Қазақстан инновациялық-технологиялық университеті «Үздік видеоролик» аталымын жеңіп алды.
Шығармашылық фестивальдің қорытындысы бойынша М. Өтемісов атындағы Батыс Қазақстан университеті I орынды, Жәңгір хан атындағы Батыс Қазақстан аграрлық-техникалық университеті ІІ орынды, Батыс Қазақстан инновациялық-технологиялық университеті ІІІ орынды иеленсе, Қазақстан инновациялық және телекоммуникациялық университеті алғысхатпен марапатталды.
Сонымен қатар жүлделі орын иелеріне ақшалай сертификаттар табыс етілді.
Суреттер облыстық жастармен жұмыс жөніндегі ресурстық орталығынан
zhaikpress.kz
