Оралда жасөспірім өзінің құрдасын атып алды, деп хабарлайды «ҚазАқпарат» тілшісі.
Оқыс оқиға 21 қаңтар күні болған. Үй иесінің ұлы қонаққа келген балалардың бірін мылтықпен абайсызда атып алған. БҚО ішкі істер департаментінің баспасөз қызметі мұндай оқиғаның болғандығын растап, ресми мәліметті кейін беретіндігін жеткізді. Облыстық денсаулық сақтау басқармасы басшысының орынбасары Нұрданат Беркінғалидың айтуынша, қазіргі кезде 14 жасар жасөспірім облыстық көпбейінді балалар ауруханасында жатыр. Жағдайы ауыр.
