Whatsapp желісінде мектеп оқушысының сабақ үстінде көз жұмғандығы туралы ақпарат желдей есуде. Біздер қалалық білім бөлімімен хабарласып, төмендегідей мәлімет алдық.
Суреттің дереккөзі: Okg.kz
Оралдағы жалпы орта білім беретін №10 мектептің 10-сынып оқушысы (14.02.2007 жылы туған) Д. 4 қазан күні сағат 7:45-те әдеттегідей сабаққа келген. Сынып оқушыларымен бірге сабаққа дейін дәлізге шығып, сөйлесіп, 8.00-де класқа кіреді. Балалардың барлығы орындарына отырып, сабаққа дайындалып жатқан кезде Д. отырған жерінде құлаған. Сол мезетте жедел жәрдем шақырылды. Өкінішке орай жасөспірімге көмектесу мүмкін болмады. Бала құлаған жерінде жан тапсырды.
Полиция департаменті мен денсаулық сақтау басқармасы болған оқиға туралы әзірге ақпарат бермей отыр.
zhaikpress.kz
