Кеше түннен бастап Орал қаласындағы Шолохов көшесіне жол белгілері орнатыла бастады. Шолохов көшесіндегі жөндеу халық арасында біраз қиындық туғызған болатын. Қазіргі уақытта жол толығымен ашық жатыр.
-Кешелі бері Шолохов көшесіне жол белгілерін орнату жұмысы басталды. Одан кейін жарықтандырылып, бағдаршам қойылады. Қазір адамдарға қолайлы болу үшін жолды ашып жібердік, - деді Орал қалалық ТҮКШ ЖК және АЖ бөлімінің басшысы Азамат Халелов.
Шолохов көшесіндегі көлік қозғалысы өте көп. Әсіресе ауыр жүк көліктері көп жүретін трассалардың бірі.
Одан бөлек қаладағы ірі базарлардың бірі де осы көше бойында орналасқан.
БҚО ПД маманы Ербол Аманғалиев Шолохов көшесі бойында бірнеше жерге жаяу жүргінші жолағы және бағдаршам қойылатынын атап өтті.
Айта кетейік, биыл жалпы қала бойынша үш бағдаршам мен 75 жерге жаяу жүргінші жолағы қойылған.
Жанат Көшкінбай,
zhaikpress.kz
