5.12.2023, 19:00
Оқылды: 64

Төтеншеліктер арнаулы әлеуметтік қызмет көрсету орталығының тұрғындарымен кездесті

Бүгін облыстық төтенше жағдайлар департаментінің мамандары Орал арнаулы әлеуметтік қызмет көрсету орталығында төтенше жағдайлар кезіндегі қауіпсіздік ережелерін түсіндіріп, практикалық жаттығулар өткізді.

CCEB4090-A9A1-4CA7-BA76-49C5BF3173C8

Орталықтың қызмет алушылары мен мамандарына өрт пен су, жер сілкінісі кезіндегі қауіпсіздік ережелері айтылды.

– ҚР Төтенше жағдайлар министрінің тікелей тапсырмасымен төтенше жағдайлар кезінде аталған мекеме ұжымы мен мүмкіндігі шектеулі жандардың қауіпсіздігін қамтамасыз ету бағытында теориялық және практикалық шара өткізудеміз. Департамент мамандары өрт кезіндегі жедел әрекет пен қорғану әдістерін көрсетіп, қауіпсіздік ережелерін толыққанды түсіндірді. Сонымен қатар жер сілкінісі кезінде ескерілуі қажет дүниелер де айтылды. Мамандар арнайы құралдармен таныстырып, қолданылуын көрсетті. Дәріс пен практикалық жаттығу кезінде азаматтар толғындырған сауалдарын жолдады, - дейді БҚО ТЖД Азаматтық қорғаныс басқармасының аға офицері Махмуд Таңатов.

E0797276-265B-4AD5-8A8E-69A7D241AA3D

Аталған мекемеде дәл қазіргі уақытта 540 қызмет алушы мен 370-ке тарта қызметкер бар.

– Бүгін біздің мекеме тұрғындары мен мамандарының қауіпсіздігін қамтамасыз ету мақсатында оқу-жаттығу өтті. Дүниежүзінде табиғи апаттар жиі болады. Адамзат үшін төтенше жағдайлардың алдын алу мен сақтанудың ережелерін білу маңызды. Біздің орталық – қаладағы әлеуметтік мекемелер ішінде адамдар көп жиналған мекеме. Мұнда қариялар, жүйке жүйесі ауруларымен ауыратындар және күндіз келіп ем алатын азаматтар тұрғаннан кейін сақтық шараларын жоғары деңгейде сақтау қажет. Мекеменің сақтық шараларына дайындығы да жиі тексеріліп отырады. Төтеншеліктердің ұйымдастыруымен өтетін қауіпсіздік оқу-жаттығуларының берері мол, - дейді Орал арнаулы әлеуметтік қызмет көрсету орталығының директоры Арман Дәулетов.

55051305-6238-4E9F-8454-4713E7FF1403

Айта өтсек, мекеменің тарихы сонау 1945 жылдан басталады. Соғыстан кейін мүгедектерге, көмекке мұқтаж азаматтарға қызмет көрсететін орын болған. Одан бері қарай атауы өзгеріп отырды.

Ғимараттар жөндеуден өткен. Төтенше жағдайлар кезінде мекеменің жабдықталуы да маңызды екенін айта кеткен жөн.

BCD1674E-CEE0-4AFE-82ED-585418D9F6C5

Мұндағы жандарға тұрмыстық, медициналық, психологиялық, педагогикалық, еңбекке баулу, мәдениет, құқықтық және экономикалық бағыттар бойынша қызмет көрсетіледі.

AC330661-BD0E-4B9A-8C62-A15EFA33F948

B7B78119-19C3-4FD8-8476-297EE5A77F57

B47F145F-DD18-4C48-86A0-6837EF9256A3
356DE6AF-F767-4E7C-968F-765D63E18D4C
Гүлмира Сарсенғали

Суреттерді түсірген: Диас Закбаев

«Жайық Пресс» ақпарат агенттігі

Узнайте первым о важных новостях Западного Казахстана на нашей странице
в Instagram и нашем Telegram - канале