Облыстық қазақ драма театры «Арманым – Әселім» қойылымын сахналады. Шыңғыс Айтматовтың «Шынарым менің, шырайлым менің» повесінің желісін арқау еткен драманың көрермендері – БҚАТУ білім алушылары.
«Рухани жаңғыру» орталығының ұйымдастыруымен бұл күні Хадиша театрының көрермен залы толықтай Жәңгір хан университетінің студенттеріне арналды.
Көрерменнің қошеметі мен ыстық ықыласына ие болған қойылымнан кейінгі жастардың өзара әңгімесі де жаманнан әдеттен аулақ болу, махаббатқа адалдық жайында болды. Бірі: «Адамды өмір сынақтарына сынбауға үйретеді», - десе, тағы бірі соңында Ілияс пен Әселдің қайта табыспағанына өкініш білдірді. Ғашықтардың бір-біріне қолдауы мен түсіністік танытуы туралы айтып: «Кейде біз бақыттың бағасын жоғалтқан соң бір білеміз», - дейді. Тартысқа толы лирикалық драмадағы әр кейіпкердің ойы мен мінезін, болмысын жоғары деңгейде жеткізе білген актерлерге алғыс айтты.
Жайнагүл Сағидоллақызы
Жәңгір хан атындағы
БҚАТУ медиа-орталығының маманы
