1 сәуірде басталған «Бекіре» акциясы аясында БҚО орман шаруашылығы және жануарлар дүниесі аумақтық инспекциясының Ақжайық бөлімінің қызметкерлері бүгінге дейін заңсыз балық аулаудың 53 фактісін, заңсыз балық тасудың 1 фактісін анықтады. 530 келі ұсақ тұқымды балық, 13 ау, 3 қайық тәркіленді. 45 адам әкімшілік жауапкершілікке тартылды, 5 іс сотта қаралды, 728215 теңге айыппұл өндірілді.
– Акция жалғасуда,-дейді бөлімнің бас маманы Марат Есенғалиев,- Біз бұқара арасында ең алдымен табиғатты аялауды насихаттаймыз. Өкінішке қарай, өзендер жағалауларын, орман алаптарын қоқыс-қалдықпен ластау тыйылар емес. Айталық, біз тек соңғы екі күнде су қоймалары жағалауларынан тасталған, іріп-шіріген 44 ау (жалпы ұзындығы 750 метр) жинадық.
Бекем БЕКҰЛЫ
Ақжайық ауданы
