Бұлдырты ауылдық округінде аудан әкімі Төлеген Төреғалиевтің қатысуымен аудан тұрғындарына екпе алудың маңыздылығы жөнінде түсінік жұмыстары жүргізілді.
-Ұжымдық иммунитет бәріміз үшін маңызды. Вакцина алғандар саны күн санап артқанымен, толықтай вакцинация жүргізілмейінше ұжымдық иммунитет қалыптаспайды, -деді түсінік жұмыстарын жүргізген аудандық аурухана директоры Роза Тахамбетова.
Одан бөлек, вакцинация мәселесіне байланысты тұрғындармен еркін әңгіме барысында,
- Өзінің ғана емес, отбасының да саулығына алаңдайтын тұрғындар, әсіресе, мектеп жасындағы балалары бар отбасылар күн тәртібіндегі бұл мәселеге бей-жай қарамасы анық,- деп сөзін түйіндеді Бұлдырты ауылдық округінің әкімі Ерлан Мақашев.
Айжан Амангелдина,
Сырым ауданы
zhaikpress.kz
