Сырым аудандық ауруханасында медицина қызметкерлерінің күніне орай «Деніңе саулық, дертіңе шипа сыйлаған» атты мерекелік шара өтті.
Шарада аудан әкімінің орынбасары Асланбек Сарқұлов ауданымыздың медициналық ахуалын жақсартып, пандемия кезінде де жанын салып жұмыстарын абыроймен атқарған 365 медицина қызметкерлерін мерекемен құттықтап, елеулі еңбектері үшін Мәншүк Нығметқызына, Назым Жүзіпқызына, Айгерім Ізбасарқызына аудан әкімінің алғыс хатын табыстады.
Ұжым атынан Күлаш Айташова аудан әкімдігіне алғыс білдірді.
Одан бөлек, ұжым атынан аурухана бас дәрігерінің орынбасары Мергүл Сарғозиева мен кәсіподақ ұйымының төрайымы Мәншүк Құрмашева әріптестеріне алғыс хат пен естелік сыйлықтар тарту етіп, жұмыстарына сәттілік тіледі.
Аудандық мәдениет үйінің әншілері шара көркін әнмен келтіріп, мерекелік көңіл-күй сыйлады.
Көңілді мерекелік кеш аурухана ұжымы қызметкерлерінің топтық сайыстарымен жалғасты.
Айжан Бауыржанқызы,
Сырым ауданы
